Rona Bhi Jo Chahain To Woh Ronay Nahi Deta

Rona Bhi Jo Chahain To Woh Ronay Nahi Deta,
Woh Shakhs To Palkain Bhi Bhigone Nahi Deta.

Woh Roz Rulata Hai Humain Khwaboon Main Aaker,
Sona Bhi Jo Chahain To Woh Sone Nahin Deta.

Yeh Kis Ke Ishare Pe Umand Aaye Hain Baadal,
Hai Kaun Jo Baarish Kabhi Hone Nahi Deta.

Aata Hai Khayaalon Main Mere Kaun Yeh Akser,
Jo Mujh Ko Kisi Aur Ka Hone Nahi Deta.

Is Darr Se Ki Kahin Todker Aansu Na Bahayen,
Bachon Ko Aashiqe Mittti Ke Khilone Nahi Deta.

Ek Shakhs Hai Aisa Meri Basti Main Abhi Tak,
Jo Bojh Akeley Mujhe Dhone Nahi Deta.

By Ashiqe Shayar