Humare baad chali rasm-e-dosti k nahi?
Hawa ki zad main koi shama phir jali k nahe?
Bichharr k jub bhi mile mujh se pochta hai wo shaqs,
K in dinon koi taaza ghazal howe k nahi?
Suna hai aam thi kal shab ko chaand ki bakhshish,
Bujhe gharon main bhi utri hai chandni k nahi?
Nikal k jis se howa apna dard awara,
Kisi k dil main wo mehfil bhi phir saji k nahi?
Wo rah-guzar jo andheron main saans leti thi,
Tumhare naqsh-e-qadam se chamak uthi k nahii?
Diyar-e-hijr se aaye ho kuch kaho Mohsin,
K sham-e-ghum bhi kisi morr per mili k nahi?*
By-Mohsin Naqvi*
Presenteb By :
Smart Boy
Comments
Post a Comment