Meri jholi mein mohabbat kay sivaa kuchh bhi nahin

on
Meri jholi mein mohabbat kay sivaa kuchh bhi nahin

Dil mein ab dard-e-muhabbat kay sivaa kuchh bhi nahin,
Zindgii meri ibaadat kay sivaa kuchh bhi nahin,

Main teri barah-gah-e-naaz mein kyaa pesh karuun,
Meri jholi mein mohabbat kay sivaa kuchh bhi nahin,

Ae Khuda mujh say na lay mere gunaahon ka hisaab,
Mere paas ashq-e-nadaamat kay sivaa kuchh bhi nahin,

Vo to mitt kar mujh ko mil hii gayi raahat varnaa,
Zindgii ranj-o-musiibat kay siva kuchh bhi nahin,

Comments

Post a Comment